Ang video presentation ni Father Avelino Sapida
Sa 44 nominadong indibidwal na may iba’t ibang nasyonalidad at nagmula sa iba’t ibang organisasyon, inuwi ng paring Pinoy na si Fr. Avelino del Rosario Sapida ang Premi Consell d’Immigració.
Ang Premi Consell d’Immigració ay isang parangal na iginagawad ng pamahalaang lungsod ng Barcelona sa mga indibiwal na malaki ang naging kontribusyon sa integrasyon ng mga migrante.
Ayon sa naggawad ng parangal, si Fr. Sapida na Kura-Paroko ng Simbahan ng mga Pilipino sa Barcelona ay palagiang kasama at kakampi ng mga Pilipino lalo na ng mga mahihirap. Nagtatrabaho rin siya para sa pagkakaisa ng lahat ng mga migrante at walang pagod siyang nakikipaglaban para sa karapatan ng mga manggagawa sa pakikipagtulungan ng iba’t ibang unyon ng mga manggawa. Siya ang nagtayo ng Centro Filipino-Tuluyan San Benito sa Barcelona, isang organisasyong nagbibigay ng iba’t ibang serbisyo sa mga Filipino sa Barcelona at kasalukuyang Pangulo ng Kapulungan ng mga Lider Pinoy sa Barcelona (KALIPI).
Iginawad ang parangal kasabay ng daigdigang pagdiriwang ng Araw ng mga Migrante noong ika-18 ng Disyembre. Daniel Infante Tuaño. Hinango sa ulat ni Bb. Kay Abaño. Mga letrato hinango sa website ng Centro Filipino
Pagkilala sa isang Filipino
Kasama si Konsul Heneral Eduardo Jose de Vega (sa kanan) at ang iba pang mga lider ng mga samahang migranteng Pilipino sa Barcelona
Kasama ang ilan sa mga bumubuo ng Centro Filipino
Ang Bagong Filipino 
congrats ninong sana makarating din kodyan
On behalf of my family here in San Francisco and my beloved hometown of Alfonso, Cavite, Philippines, we are very proud of Rev Father Sapida for his achievements here and overseas. The help and assistance he provided to all Filipinos were truly appreciated. We are so proud that he touched our lives back in Alfonso and so delighted to hear this article about him in Barcelona. God bless Father Sapida!
CONGRATS FATHER AVELINO SAPIDA . HOPING YOU STILL REMEMBER ME.