Masarap ang Pasko sa Pilipinas, parang puto bumbong. Pero sigurado ka bang makakapasok ka pa sa España pagkatapos ng bakasyon mo?
Kung ang permiso de residencia mo ay caducado na o kaya naman ay naka-tramite, bago ka umuwi ng Pilipinas o lumabas ng España siguraduhin mong mayroon kang autorización de regreso.
Dahil kung hindi, hindi ka papapasukin sa España. Kagaya ng nangyari sa isang Ecuatoriano na kasalukuyang nag-rerenew ng kaniyang pangatlong tarjeta ngunit kinailangan niyang umuwi dahil yumao ang kanyang ina. Dahil sa wala siyang autorización de regreso, hindi na siya muling makabalik sa España. Ang tugon ng gobierno ng España sa kaniya: magsimula sa umpisa, muling mag-apply ng oferta de trabajo. Oferta de trabajo sa panahon ng krisis? Kahit pa nakakatawa ang sagot ng gobyerno, wala na lang nagawa ang kamag-anak ng nasabing Ecuatoriano kundi umiyak. Basahin ang buong balita sa enLatino.com:
No espere hasta el último momento para pedir su autorización de regreso
Atrapados por no tener una autorización de regreso
At hindi basta-basta rin ang pagkuha ng autorización de regreso, kailangang humingi ka muna ng cita previa, ihanda ang mga kakailanganing dokumento at bayaran ang tasa bago pumunta sa opisinang babanggitin sa cita previa. I-click ang mga sumusunod para sa detalyeng impormasyon. Ang mga impormasyon ay nasa wikang Espanyol.
Nota Informativa Autorizaciones de Regreso
Hoja Informativa nº 40 Autorizaciones de Regreso
Ang mga batas patungkol sa extranjería ay parating nagbabago. Manatiling impormado at huwag maniwala lang sa sabi-sabi. Maaaring bisitahin ang website ng CITE kung saan makakakuha ng mga bagong impormasyon at pati na rin ang mga kakailanganing formulario para sa renovación ng tarjeta de residencia, comunitario, estudiante, carta de invitación at marami pang iba. Heto ang link: http://www.ccoo.cat/cite/aspnet/impresos.aspx
Ibinahagi ni Kay S. Abaño at Daniel Infante Tuaño
Ang Bagong Filipino 
One Response to “Uuwi ka ba ngayong Pasko?”