Hindi na ako nakapunta sa isang bar o sa Plaza España para manood ng football. Tambak kasi ang plantsahin ko. Pagkatapos maplantsa ang lahat ng gusot, umuwing panalo ang Espanya. Sila na ang kampeon ng Europa at ng buong mundo. Ito ang kauna-unahan nilang pagkapanalo sa World Cup.
Napaplantsa rin pala ang gusot paminsan-minsan. Ang sabi nga ng kaibigan kong Espanyol: Mas malakas ang Espanya kapag nagkakaisa.
Ang nag-iisang goal ni Iniesta ang tumapos sa mahigit na dalawang oras na partido sa pagitan ng Espanya at Holanda. Suot ni Iniesta ang isang puting kamisetang umaalala sa kaniyang kaibigan at yumaong futbolistang si Dani Jarque. Daniel I. Tuaño
Ang Bagong Filipino 
Leave a Reply