“Puwede naman palang magkaisa…”
Ito ang ipinahayag ni Pastor Bong Infante ng grupong Jesus is Lord Church sa katatapos na “Prayer for the Nation” na ginanap sa Parroquia Patria Abraham sa Barcelona, Espanya.
Nagtipon ang iba’t ibang grupong relihiyosong Pilipino sa Barcelona upang sama-samang mag-alay ng panalangin at ipakita ang pagmamalasakit sa Pilipinas lalo pa at nalalapit na ang halalan. Nilayon din ng pagtitipon na mulatin ang ispiritwalidad at mabuting kaugalian sa buhay ng sambayanang Pilipino sa Barcelona. At isa rin itong paraan upang patatagin ang relasyon ng iba’t ibang grupo at pagkaisahin ang mga pinuno ng mga grupong ispiritwal sa Barcelona.
Nagbigay rin ng panalangin at mensahe sina Brother Jun Laquindanum ng The Salvation Army, Pastor Jonel Mendoza ng Great Commission Ministry, Pastor Doods Sabado ng Word International Ministries , Fr. Avelino Sapida ng Parroquia Personal Filipina at si Consul General Eduardo Jose De Vega.
Lumahok din sa pagtitipon ang mga pinuno ng iba’t ibang organisasyong Pilipino sa Barcelona. Ulat at larawan ni Daniel Infante Tuaño
Sama-samang nag-alay ng panalangin ang mga pinuno ng mga grupong relihiyoso at sibiko sa Barcelona.
Ang Bagong Filipino 
Leave a Reply